تفضل واعطني رأيك

في مرايات تجي بالسيارات الجديده تضعف ضوء الانوار اللي تجيك من ورا 

اوسخ الناس اللي يسوي هالحركة

وهذي ترجع لشخصيته و نفسيته

تحصله بالأساس حياته كلها خيانه و يترصد للناس بأي طريقه

و هذا جزء من حياته يغدر فيك متى ما حصل فرصة

و فرصته هنا إنك ما عاد تقدر تسوي شيء راح الوقت

أنا اتضايق مثلك و كثير فيهم وساخه بالطريقه

اللي من ورى امره بسيط الرجال يقصد الجهه المقابلة

خصوصا بالطريق واحد رايح جاي

هو مايقصد اللي جاي من ورا

يقصد اللي جاي عكس من الخط الثاني  البلا منه

فعلا لاحظتها كثيرررر

يقرب منك ويولع العالي فجأة 

لكن نسأل الله لهم الهداية

الا جعلهم بحادث

وش يقصد من هالحركة إلا عشان يعميك وهو خط واحد يعني

خطر أكبر و يعميك ليش عشان تفقد السيطرة ولا تشوف زين

خله عساه بحادث عشان يطلع له إحساس

عادة اللي سوي هالحركة تحصله صغير سن وجاهل والا العاقل والله مايسويها... المشكلة ان القيادة فاهمها خطا يتوقع تحدي وهبال مادرى ان ابسط حركة ممكن تسبب له او لغيره اعاقه او و وفاة لاقدر الله .سق بذوق والا لا تسوق ..

إلي يسوي هذي الحركه اكيد إلي قدامه كان كاشح العالي في وجهه ولا راضي يوطيه ولكل لفعل ردة فعل أذا قربت منه ابكشحه ب العالي لين اعميه

كلامك سليم 

والآن السيارات الالمانيه بدت تحط خاصية انخفاض الضوء العالي تلقائياً اذا كان فيه مصدر للضوء بالجهه المقابله تكون اضاءة متكيفة مع حدة الضوء ،،

كلام سليم وكمان ماعاد فيه تقدير للي مقابل اذا نوره ضعيف بالذات بسيارات فورد والكابرس الصابونه كثير ماينزل النور عنهم نهائي
يامحمد عايض اللي معميك بالنور رد عليه بالمثل لكن الرجال يتكلم عن اللي منزل النور عنك من بعيد وانت كذلك واذا قرب رفع العالي بوجهك والمسافه قريبه زي اللي يعطيك تصويرة فلاش وهو معدي 

الله يهديكم ماعاد فيه اخلاق ولا احترام عندي صابونه واعاني كثير بالليل من النور لكن الحمد لله عندي سياره ثانيه ومشاوير الليل اطلع فيها 

ياشباب قبل ماتدعون على خلق الله افهمو وزنيه العدسات اول ؟

اي عدسه لازم يكون فيها كسره ( يسمونها السبعه ) بحيث انها تكون مرتفعه من اليمين ونازله من اليسار حتى لو انك مطلع الموتر من الوكاله 

السبب برفعها لليمين عشان تشوف اللوحات الارشاديه على جنب الخط ، وسبب نزولها من ناحيه اليسار عشان ماتعمي اللي يقابلك خصوصا اذا كنت تمشي بسيد واحد 

لكن المصيبه اذا كنت ماسك خط سريع 3 مسارات وجايك واحد ماسك اقصى اليمين وسيارته نازله مثل الاكسنت ويدق لك اشارات عشان تنزل النور ؟ يابوي ذي مشكلتك انت مب مشكلتي انا ؟ امسك المسار الاوسط زي الاوادم ولاراح يعميك ؟

اوما انه يمسك اقصى اليمين ومايبيه ينعمي سلامات ههههههههههههه وخله يدعي بيديه ورجليه وش دخلني فيه ؟ ذي وزنيه الوكاله مالعبت فيها ابددد  ؟ تبي تدعي ادع على الوكاله 

^ هذي تهون عن اللي يعميك بالعالي وانت ماشي مع تحويله
يعني اللي بينك وبينه الصبات بس والطريق ضيق ويجيك اللي بالطريق
المعاكس مشغل العالي ويعميك ويمكن يتسبب انك تصدم الصبات وتصدم
السيارات اللي وراه .. والله معاناه مع التحويلة اللي عندنا من اكثر من 10 شهور  وبسبب هالشكال 
اكثر من مره بغييت اسوي حادث ومالقيت حل الا اني اركب زنن .. ومن بعد ماركبته والله محد يعميني نفس اول 
من اكبس له بالزنن يطفي العالي على طول ويوم نور سيارتي مايتعدا 
الصدام اكبس لهم مايطفونه يعني واحدهم يضايق خلق الله ومايطفي العالي الا اذا احد 
نوره قوي !!!

الناس تتكلم عن رفع النور بوجه السياره المقابله وابو هيثم يشرح وزنية النور

يقولون لطلاب المدارس الفهم نصف الاجابه

والله يامره كنت ماشي بسياره نورها ضعيف واشكل للعالم واطفي النور واغلبهم ساحب علي لان انوارهم اقوى من النور حق الموتر  ومره كنت مسافر بجيب  13 والله انهم بكشخه وحده ينزل العالي بالعربي اذا اللي قدامك نوره اقوى من نور موترك يبيلك تكشخ له لين ماتطفش وزين اذا نزل العالي عنك مدري هو حب أذيه للخلق ولا ضعف نظر عنده  

هاذا العالم تفكر عطه النور قبل يعطيني يوم يقرب منك  

مافي واحد اعرفه معرفه شخصيه ويسويها هذي الحركه الااني عارفه انه وصخ ومن جوه كله عقد ونفسيه ترى الي يسويها لاتزعل عليه قل الله يشفيه ويفك اذاه عن الناس

سعد الجهني لا والله انت اللي مافهمت التعليق ههههههههههههههههه بالبدايه تكلمت عن وزنيه النور فعلا لكن قصدي الشباب اللي تفكيرهم تفكير عجايز كل ماشاف نور عالي قام يسب ويلعن مايعرف يصفي النيه ويدعي ان الله يصلحه ويهديه 

ياخي انت الحين بريعان الشباب ، لنفترض ان الله سبحانه عطاك عمر حتى 90 سنه ؟ بالفتره القادمه كم راح تمسك خط وكم راح يكبس احد النور بوجهك ؟ وايضا احسب كم مرة راح تلعنه وتدعي عليه ؟ أليس من الافضل انك تعود نفسك على تجاهله بدل ماتحرق اعصابك كل مرة وتكسب اثم ؟؟؟

ياخي انا ركبت مع ناس ماخذين مقلب بأنفسهم ومصدقين ان سواقتهم احسن سواقه بالعالم اخرهم واحد معه لكزس es 350 موديلها 2014 وماشاء الله الواطي عنده يفرش الخط فرش (زينون لكزس مابعده شي ) ؟ لكن الادمي ذا اشوفه منزل راسه ومقرب من الدركسون وبالكاد يناظر مسافه 20 متر فقططط  مع ان نوره يغطي تقريبا 250 متر  ؟ تعبت وانا اصيح عليه ارفع راسك واسند رقبتك على التكايه عشان تزيد مجال الرويه قدامك لـ 150 _ 200 متر تقريبا تراك تسوق بالليل

وكل شوي يرجع وينزل راسه حتى اني تنزفزت منه وبغيت اربط جبهته للمرتبه بحبل  هههههههههه قسما بالله ؟ ومن قل السنع  ماسك طريق سريع 3 مسارات واذا شاف احد كابس العالي بالمسار المعاكس لازم يكبس عليه ؟ اقوله وش دخلك فيه هو بسيد وانت بسيد ثاني قال لا ذا يعميني ؟ طيب انت عندك انحراف بعينك قال لا ؟ قلت اجل ليش عينك زايغه يسار ماتعرف تناظر قدام وتركز على السيد حقك بمساراته الثلاث ؟ مالك ومال السيد المعاكس ؟ بالبدايه بيصعب عليك الامر لكن عود نفسك على تجاهله لدرجه انه بيمر عليك يوم ماتدري ان فيه احد كابس العالي بالمسار المعاكس اصلا

الحين الدوله تتخسر وتحط صبات فاصله بين مسارات الطرق السريعه ( الرايح والجاي ) ويجيك واحد ويقول اعموني ؟ انت ناظر الجزيره اللي بين السيدين لايكون فيها ساهر وعينك الثانيه على المسارات اللي قدامك وش دخلك بالمسار المعاكس بالله ؟  حتى لو الطريق فيه انحراف ولفات وتعرجات تقدر تتجاهلهم بس عود نفسك فقططط

لكن سبحان الله خوينا ذا مقتنع ان كلامي صحيح لكن اخذته العزة بالاثم وقام يهايط ويقول انا مسكت خطوط بعدد شعر راسك وانا اسوق قبل ماتولد ومدري ايش ؟ وهو بعز هياطه مادرينا الا وطالع علينا كلب ( اعزكم الله )  وبغينا ننقلب بسبه هياطه ؟ رجعت وقلت له ارفع راسك يامسلم وركز شوي ( بها الحاله بديت انا اللي انتبه للخط لاني حسيت ان سواقه هالادمي بتجيب بنا العيد ) 

وبعد تقريبا 300 كيلو نفس الحاله ينزل راسه وانا كنت دايخ ونيم  مادريت الا ويكشخ فينا ساهر ( اللي يجيك بالجزيرة بين السيدين على شكل دولاب ) هالمرة قلت له انزل خلاص انا بسوق وبغيت اوطى على خشمه قسم بالله نرفزني من جد مايعرف يسوق وفوق ذا يهايط  ؟ وزاد النقاش بيننا لدرجه اني قلت له  ماتعرف تغمز لواحد وتخليه يدعس ثم تصير وراه ( يعني يصير كبش فداء ) واذا مسكه ساهر انت تسلم ؟ ماتعرف ترفع راسك وتشوف اللي قدامك يضربون فرامل ووقتها تعرف ان فيه ساهر ؟

الرجال اخيرا اقتنع بس قالي وشلون اتجاهل اللي يكبس العالي بالسيد الثاني ؟ قلت له انا بسألك ليش يكبس العالي هو ؟ قال عشان يعمي الناس الله يلعنه ؟ قلت صفي النيه يامسلم احتمال انه مايشوف ؟ قال عاد ذي مشكلته ليش مايفصل نظارات او يسوي تصحيح نظر ؟ قلت ممتاز اجل طبق الكلام على نفسك انت بما انك تتحسس من النور العالي ياتلبس نظارات او تسوي عمليه ؟ الرجال سكت مايعرف يجاوب ههههههههههههههههه

(( طبعا كلامي ذا كله عن اللي يمسك طريق سيدين ماتكلمت  عن اللي يمسك سيد واحد ويجي واحد يقابله ويعميه بالعالي )) مع انك تقدر تتجاهله بس بطريقه اقل من السيدين لانه قريب لك مررة ، وشوف انا عن نفسي كنت اول اتضايق كثيرررر من جيوب الفكسار حتى الواطي عندهم قوي فما بالك بالعالي ؟ خصوصا انه جيب ومرتفع واول مايكشح بالزينون تقول الشمس طالعة من قوته بس تتجاهله مرة مرتين ثلاث ويصير عندك عادي ؟ وبعطيك مثال على التجاهل انت تشوفه الحين ، خشمك موجود طوال الوقت قدام عيونك لكن عقلك تبرمج وتعود انه يتجاهله ؟ تبي تجرب وتتأكد خذ راحتك هههههههههههههههههه

اخوي مشكلتنا كلها بالطريق الزراعي ولا الطرق السريعه صحيح انه يزعجك بس تقدر تتجاهله زي ماتفضلت
لكن الطرق الزراعيه ( رايح جاي ) ماتقدر لان عينك مريحه بسبب ان النور كان واطي ويوم يقرب يكشحك بالعالي وهذا اللي يزعل ويضر
ولو انه رافع العالي من اول ارحم
انت تقول تجاهل لكن فيه ناس صارت لها حوادث بسببه لانه مايتحمل النور نهائي ومافيه حل لاتقول نظاره ولا غيره واحيان اللي رافع النور يكون هو الطرف الثاني بالحادث لان الرجال ضاع مع النور وخش بوجهه
وحنا نتكلم عن الموضوع لعل البعض يسويها من غير قصد ويغير من طريقته والموضوع كله مطروح للكلام عن المشكله ولا الحلول كل واحد وطريقته واعرف ناس لو ترفع العالي بوجهه مع الطرق ذي لف بوجهك وطلعك برى الخط  صحيح انه تهور لكن ماباليد حيله 
والطرق ذي فيها ناس كبار بالعمر وفيها ناس على قد حالها يمكن ان اللي تشتغل عنده شمعه وحده وبعضهم شمعاته كلها وهي عالي ماهي شي لو نزلت عنه النور وخليته يشوف طريقه مااعتقد بتخسر شي فما بالك لو اخلصت النيه وكسبت اجر !!
وترى السواقه فن وذوق واخلاق  

أعجبتني بعض التعليقات ههههههههه



لكن فيه مشكله عند الكثير ممن يقودون السيارات ومن خبرتي في السواقه وعمري تلآن والحمدلله رب العالمين تجاوز الخمسين أنّه فيه ناس مايعرف عصا النور وإنه فيه حاجه إسمها نور عالي ونور واطي وكل اللي يعرفه يدق سلف ويولع النور ويمشي فقط عالي واطي هذي الأشياء ليست مهمه بالنسبه له ، ولعلمكم بأفتح محل قطع غيار لهذه العصا التي بها تشغيل النور والغماز وأعرض في هذا المحل عصيان الغمازات التي في سيارات السعوديين بعد أن أشتريها منهم لأنها جديده حتى لو عمرها مليون سنه لأن لا أحد يستخدمها نهائياً .
شطحه حكاية محل قطع الغيار هههههههههه لكن من القهر فيومياً أواجه هذه النوعيه من قائدي السيارات الذين لاينفع معه إنك تأشر له بالنور العالي ( يعطيك طناش غريب ما أدري من وين جايبه ) وإذا حب يلف من سابع المستحيلات يدق غماز !!!!